သိန်းစိန်ကို အယုံမလွယ်မိစေဖို့ (သို့) မောင်ပါလမှ မောင်ပါလသို့ အသိပေးအပ်ပါသည်

သိန်းစိန်ကို အယုံမလွယ်မိစေဖို့ (သို့) မောင်ပါလမှ မောင်ပါလသို့ အသိပေးအပ်ပါသည်
>> Saturday, October 8, 2011

(ခေါင်းစဉ်ကတော့ အဆီအငေါ်မတည့်စွာ နှစ်ခုဖြစ်သွားတယ်။ ဖတ်ပြီးရင် နားလည်နိုင်ကြမယ်လို့ ထင်ပါတယ်။)

သိန်းစိန်ကို အယုံမလွယ်ကြဖို့ ပို့စ်လေးတပုဒ်လောက် ရေးမယ်ကြံရင်း အွန်လိုင်းဝင်လိုက်ခါမှ တို့သမ္မတ တို့ရံမှ ဆိုသည့်ခေါင်းစဉ်နှင့် ပို့စ်တပုဒ်တွေ့မိသဖြင့် ဘာများရံရမှာပါလိမ့် ဆိုပြီး ၀င်ဖတ်ကြည့်မိပါသည်။ ကောင်းပါသည်။ ညီညီညွတ်ညွတ်နှင့် တရုတ်ရန်ကို တွန်းလှန်ဖို့၊ သမ္မတလည်း ဒီထက်ပိုကောင်းလာဖို့ တိုက်တွန်းထားသည်။ ဖတ်ပြီးအဆုံး ရေးသူနာမည်ကြည့်လိုက်တော့မှ ဟိုက်ရှာလပတ်ရည် (အီကြာကွေးစကား) ဖြစ်သွားမိသည်။ ရေးသူနေရာမှာလည်း မောင်ပါလ ဖြစ်နေတော့ ဖတ်မိသူ မောင်ပါလ ခမျာ ဟိုက်ရှာလပတ်ရည် ဖြစ်သွားရသည်မှာ မဆန်း။

လူတူမရှား နာမည်တူမရှား ဆိုသကဲ့သို့ ပညတ်သဘောသာဖြစ်သော နာမည်များ တယောက်နှင့်တယောက် တူနေသည်မှာ အဆန်းတကြယ်မဟုတ်သော်လည်း စာရေးနေကြသူများအတွက်မူ အမြင်၊ သဘောထားမတူကြသည့်အလျောက် ရေးသည့်စာများလည်း ကွာခြားသွားလေ့ရှိသည်။ စာဖတ်သူများအတွက်လည်း ''မောင်ပါလတယောက်တည်းက ဟိုလိုရေးလိုက် ဒီလိုရေးလိုက် လုပ်နေတယ်" ဟု ထင်ယောင်ထင်မှား ဖြစ်သွားနိုင်သည်။

ယခု တို့သမ္မတ တို့ရံမှ ဆိုသည့် ပို့စ်တွင်ပင် သဘောထားခြင်းမတူသည့်အချက်များ ရှိနေပါသည်။ မောင်ပါလ အမြင်အရဆိုလျှင် တရုတ်ရန်ကို စုပေါင်းတွန်းလှန်ရမည်မှာ မှန်သော်လည်း အရပ်သားအစိုးရသမ္မတ သိန်းစိန်သည် ယုံကြည်ရသည့်အဆင့် လုံးဝ (လုံးဝ) မရောက်သေးပါ။ လက်ရှိသမ္မတ သိန်းစိန်သည် အရပ်သားအရေခြုံ အာဏာရှင်အဆက်အနွယ်သာ ဖြစ်သည်။ ၁၉၆၂ နေ၀င်းအစိုးရလက်ထက်မှသည် ယနေ့ သိန်းစိန်အစိုးရအထိ နှစ်ပေါင်း ၅၁-နှစ်အတွင်း အစိုးရအဆက်ဆက်သည် ပြည်သူများအပေါ် ယခုတကြိမ်သာ ကောင်းပါသေးသည်။ တကြိမ်ကောင်းသည်ဆိုသော်လည်း ဆန့်တငင်ငင်ကောင်းခြင်းသာ ဖြစ်ပါသေးသည်။ တကြိမ်ကိုပင် အလုံးစုံကောင်းခြင်းမဟုတ်သေးပါ။

ပထမဆုံးစဉ်းစားရမည်မှာ လက်ရှိအရပ်သားအစိုးရ အကြီးအကဲ သမ္မတသိန်းစိန်မှာ ယနေ့မြန်မာ့နိုင်ငံရေးကို အစိုးရဖက်မှနေ၍ ကြိုးကိုင်အကွက်ရွေ့နေသူလား၊ သို့တည်းမဟုတ် သူကိုယ်တိုင်ပင် တည်ကြက်တကောင်အဖြစ် အကွက်ရွှေ့ခံနေရသူလား ဆိုသည်ကိုပင် ဖြစ်ပါသည်။ မြစ်ဆုံဆည်ကိစ္စနှင့်ပတ်သတ်၍ တိုင်းပြည်၏အမျိုးသားအကျိုးစီးပွား များစွာထိခိုက်နစ်နာနိုင်သည်ကို မခံမရပ်နိုင်ဖြစ်နေကြသော ပြည်သူများ ပေါက်ကွဲရန် တာစူနေသည့်အချိန်တွင် ပျားရည်နှင့်ဝမ်းချခြင်းမျိုးလည်း ဖြစ်နိုင်ပါသည်။ မြစ်ဆုံဆည်နှင့် တရုတ်အရေးဟု ယခုအော်နေကြရခြင်းမှာလည်း လူတွင်ပါ၍ နွားကျားကိုက်ခဲ့ခြင်းသာ ဖြစ်ပါသည်။ ဒု-သမ္မတ ၈-လုံးနှင့် ၀န်ကြီးများ တရုတ်နိုင်ငံသွား၍ အသနားခံကြပါအုံးမည်။ ရှေ့အလားအလာ မည်သို့ဖြစ်မည်ကို မသိနိုင်သေးပေ။

သမ္မတသိန်းစိန်ကို ရံရမည့်အချိန်မှာ မြစ်ဆုံဆည်ဆောက်ရန်ကိစ္စနှင့်တကွ တရုတ်နှင့်သဘောတူထားသော ကျန်သည့် ဆည်ကိစ္စများအတွက်ပါ လုံးဝဥဿုံ အပြီးတိုင် ဖျက်သိမ်းလိုက်ပါသည် ဆိုသည့်ကြေငြာချက် ထွက်လာသည့်အချိန်မှသာ တရုတ်အရေးနှင့်ပတ်သတ်၍ ပြည်သူရော အစိုးရပါ တရုတ်ရန်ကို ၀ိုင်းဝန်းတိုက်ဖျက်ကြရပါလိမ့်မည်။

သို့ဖြစ်ပါ၍ တို့သမ္မတ တို့ရံမှ ဆိုသည့် ပို့စ်သည် မောင်ပါလနှင့် အမြင်မတူသည့် ပို့စ်တခုသာဖြစ်ပြီး မောင်ပါလရေးခြင်းလုံးဝမဟုတ်ပါ ကြောင်း စာဖတ်သူများအား ဦးစွာပထမ အသိပေးအပ်ပါသည်။

မောင်ပါလသည် မောင်ပါလ ကလောင်နာမည်ကို ၂၀၀၇-ခုနှစ် အတွင်းမှာပင် စတင်အသုံးပြုခဲ့ပြီး မလေးရှားနိုင်ငံတွင် ပထမဆုံးထုတ်ဝေသည့် လမ်းသစ်ဂျာနယ်တွင် စာ၊ ကဗျာတချို့ကို ရေးသားခဲ့ပါသည်။ mgpala@gmail.com အကောင့်ကို ၂၀၀၇-ခုနှစ်တွင်ပင် ဖွင့်ခဲ့ပြီး http://mgpala.blogspot.com/ ကို ၂၀၀၈-ခုနှစ် ဒီဇင်ဘာလတွင် ဖွင့်ကာ နိုင်ငံအရေး၊ လူမျိုးအရေး၊ လူမှုရေးနှင့်ပတ်သတ်သည့် သတင်း၊ အမြင်၊ သဘောထား၊ ကဗျာများကို ရေးသားခဲ့ပါသည်။

အင်တာနက်လောကတွင် နာမည်တူနေသည့်အတွက် အငြင်းပွားကြသည်ကို မကြာခဏကြားဖူးနေခဲ့ပါသည်။ ဦးပါလဆိုသည့်နာမည်တခုကိုလည်း နေ့သစ်အင်တာနက် စာမျက်နှာတွင် မကြာခဏဆိုသလိုတွေ့ရသော်လည်း မောင်နှင့်ဦး ကွာခြားနေသည့်အတွက် ဆွေးနွေးမှုမပြုခဲ့ပါ။

နာမည်တခုအတွက် အငြင်းပွားမှုဖြစ်မည်ကို အမှန်တကယ် မလိုလားသည့်နည်းတူ ခုရှုပ်မှ နောင်ရှင်း ဟူသည့်စကားအတိုင်း အမြင်၊ သဘောထားမတူကြသည့်ပို့စ်များကို နာမည်တခုတည်းနှင့် ရေးသည်ကိုကြုံရသည့်အခါတိုင်း စာဖတ်သူများနှင့်တကွ မောင်ပါလကိုယ်တိုင် စိတ်အနှောင့်အယှက် ဖြစ်ရမည်ကိုလည်း မလိုလားပါ။

ထို့ကြောင့် တို့သမ္မတ တို့ရံမှ ပို့စ်ကို ရေးသားသူသည် မိမိ၏အမြင်အား စာဖတ်သူများကို ချပြလိုသည့် ရည်ရွယ်ရင်းသက်သက်ဖြင့်သာ ရိုးသားစွာရေးသားခဲ့သည်ရှိသော် ကလောင်တူဖြစ်လျက်ရှိသည့် မောင်ပါလနှင့် နာမည်ကိစ္စဆွေးနွေးတိုင်ပင်ပြီး နှစ်ဦးနှစ်ဝ သဘောတူညီမှုဖြင့် ဆက်လက်ရေးသားကြရန်အတွက် အထက်ပါ မေးလ်အကောင့်သို့ ဆက်သွယ်ပေးပါရန် လေးစားစွာ ပန်ကြားအပ်ပါသည်။

မောင်ပါလ
၇.၁၀.၂၀၁၁